Sigatteng dohot Sitappan episode 3

By: sirgalung   Date: Desember 20, 2018   In: Sigatteng   2 comments  

Sigatteng dohot Sitappan episode 3
ndang namora hita da amang manang parhauma na bidang.

Sogot manogoti hehe ma Sigatteng parjolo tugas na mangoloppa iddahan dohot tes. Di ombus ibana ma soban i asa mintor hatop galak. Paima so masak dope, di angkati ibana ma soban sian tobbara, alana soban nga habis na diginjang ni pangaloppaan i.

Di padenggan denggan ibana ma soban i asa hatop masak iddahan na ni loppana i. Huccus do attong uap nai, ima beda na na mangaloppa pakke soban.

Ia molo Sitappan tarpodom dope. Sambil pagalak soban di gora Sigatteng ma abang nai asa dungo.

Olo ngaro au.
hatop mai, nga hurang aek on manucci boras on.
Ima tugas ni halaki si manogot.
Hira ari dung tiur, di pakaluar Sitappan ma horbo nasida sian barana. Hasomalan dua be do halaki manarik horbai tu pajjappalan. Alai ala hurang masak dope iddahan i, gabe di paima Sigatteng ma.
Betama anggi inna Sitappan.
Tokkin nai hian masak iddahan on.
Oh... molo songoni au ma parjolo?

Olo abang.
Ndang sadia leleng di dapothon Sigatteng ma abang nai tu adaran, di pajappal ma horbo nai disi.
Mulak ma muse halaki nadua tu huta laho martapian.
Abang hatop mai tarlambat annon hita marsikkola.
Ima, beta ma ta pahatop.

Dung sae martapian mulak ma halaki tu jabu laho mamakke baju sikkolana.

bersambung ...

Sigatteng dohot Sitappan Episode 4